Skip to main content

Azaroaren 9an patioa eraldatzeko proiektua aurkeztuko dugu

2022/11/02

Jakingo duzuen bezala, Armentia Ikastolan gure patioa birmoldatzeko parte-hartze prozesua egin genuen komunitate osoarekin. Haurren ongizate fisiko, emozional eta afektiboa izan ditugu ardatz, jolas-aukera berriak eskaintzeko bidea egiten dugun bitartean, eta, horretarako, Nondik arkitektura eta hezkuntza-ikerkuntza estudioarekin ari gara lanean. 

Ikasle, irakasle eta familiek egindako proposamen eta ekarpenak jaso ondoren, orain emaitza aurkezteko eta aurrera begirako urratsak zehazteko momentua iritsi da. Horretarako, aurkezpena egingo dugu ikastolako areto nagusian datorren azaroaren 9an, asteazkenean, 17:00etan.

Hitzordura Nondik arkitektura bulegoko langileak etorriko dira, eta gure patioa nolakoa izatea planteatzen dugun ikusteko aukera izango duzue. Aurkezpenak, informatzeaz gain, lan-talde bat sortzeko helburua du.

Azken albisteak

2024-03-22
Araba Euskarazek ekintza ezberdinak antolatzen ari da jai handia iritsi bitartean. Horien artean, duela bi urtetik hona egiten duten Arabako Ikastoletako 5.
2024-03-19
Euskadiko VII. Geografia Olinpiadan parte hartu dute ikastolako BATXI 2ko hamahiru ikaslek, lehen aldiz.
2024-03-18
Apirilaren 8tik 19ra bitartean izango da Batxilergoa egiteko matrikulazioa.