Skip to main content

Euskara, lagun, edonon

2023/03/08

Familiak gure seme-alabek duten erreferente handia gara, batez ere hizkuntzen transmisioari eta erabilerari dagokionez. Haiekin hitz egiten dugu egunero, gosaria hartzen duten bitartean edo, afalostean, ipuinak kontatzen dizkiegunean, besteak beste. Horregatik, euskaraz bizi daitezen asko egin dezakegu, gure maila edozein dela ere.

Horretan trebatzeko, eta euskararen erabilera sustatzeko asmoz, Gasteizko Udalak eta Arabako Foru Aldundiak, hainbat guraso elkarterekin batera, Eskolan, kalean eta etxean, euskara lagun gurasoentzako gida aurkeztu dute. 1-10 urte bitarteko seme-alabak dituzten familiak euskalduntze prozesuan laguntzea du helburu.

Eguneroko zalantzak eta kezkak argitzeko oso lagungarria izango den liburuxka prestatu dute, aholku eta jarraibideekin, normalean familietan sortzen diren egoeretan nola jokatu jakiteko. Gainera, seme-alabei mesede egingo dioten jardunbide egokiak eta erronkak ere bildu dituzte gida honetan, eta baita abestiak, ipuinak, ikus-entzunezko materialak, jolasak eta dekalogo bat ere.

Ikastolan, dagoeneko LHko 1. zikloan banatu ditugu, eta lerro hauen azpian txertatuta aurkituko duzue gida, pdf formatuan, eskura izan dezazuen. Guri dagokigunez, gida honen balioa eta garrantzia nabarmendu nahi izan dugu, eta gurasoei gehiago gerturatze aldera, liburuxkaren edukiak azaltzeko hitzaldiak antolatuko ditugu maiatzean.

Azken albisteak

2024-03-22
Araba Euskarazek ekintza ezberdinak antolatzen ari da jai handia iritsi bitartean. Horien artean, duela bi urtetik hona egiten duten Arabako Ikastoletako 5.
2024-03-19
Euskadiko VII. Geografia Olinpiadan parte hartu dute ikastolako BATXI 2ko hamahiru ikaslek, lehen aldiz.
2024-03-18
Apirilaren 8tik 19ra bitartean izango da Batxilergoa egiteko matrikulazioa.