Ikastolako haurrek dagoeneko oporrak hartu dituzte eta irakasleei gutxi geratzen zaie. Dena dela, azken eguna heldu bitartean, azken horiek formakuntza saio bat izan dute astelehenean.
Javier Bahon etorri da gurera; irakasle, pedagogo, hizlari, hezitzaile, coach eta hezkuntza-berrikuntzako bitartekari lanetan aritu da, eta azken urteetan SM Savia eta Más Savia proiektuetan parte hartu du, David eta Roger Johnsonekin.
Oso formakuntza interesgarria eskaini du; izan ere, inteligentzia anitzez aritu da, eta hauek irakaskuntzan nola aplikatu ahal diren azaldu du, ariketa praktikoen bidez.
Bahonen arabera, “teoria hau erraminta bereziki erabilgarria da irakasleek erabiltzen dituzten arloetan indarguneak eta ahuleziak identifikatzeko, helburuak lortzeko egiten dituzten jarduera guztiak behatzeko aukera ematen baitu, eta baita zein ekintza alde batera uzten dituzten, horiek burutzerakoan eroso sentitzen ez direlako”.
